قصيدة ظل المسا

مشرفة عدد الرسائل : 53 تاريخ التسجيل : 13/08/2008

قصيدة طل المسا

الياس نويران (المعروف بابو سميرة) و تم تلحينها و غناؤها من قبل عصام ضاحي

طل المسا يوم الأحد مشهور في زيدل الخضراء ضيعتنا
وتجمعوا الحلوات مثل بدور يتمشوروا عدروب كرمتنا
عناقيد جفنات الكرم بلّور منها شربنا دوم خمرتنا
ياما سكرنا بالفرح و سرور و ترجع الوديان دبكتنا
و ياما إلى الكرم الرفيع نزور و حلوات معنا تطول سهرتنا
حتى الشمس تغطس بقلب بحور و البدر يضوي جو حقلتنا
والطير و الشحرور و العصفور يتغلغلوا بغصان لوزتنا
و عرزال مبني يسكنو الناطور فوق التلال بجنب تينتنا
و هناك فوق الرجم بين صخور نسمع إلى همسات جارتنا
لابسي فسطان كلّو زهور سرقت لوانو من جنينتنا
يا ورد زنبق فل مع منتور في شكلها يا ربع فتنتا
بنيات معها عرفت منهم لور و شمسي و ليلى بنت جارتنا
ليلى جميلي اسمها مشهور أجمل بنات بكل قريتنا
جدا قزني سبع او زكور القصد انها بنت بلدتنا
أو يازجي أو سفر أو فاعور حلوات كلهم من حمولتنا